Қырғыздың 100 паспортын Түркияға әкетпек болған азамат ұсталды
Қырғызстанның жүзден астам паспортын Түркияға алып шықпақ болған азамат ұсталды. Бұл туралы Азаттықтың Қырғыз қызметіне цифрлы даму министрі Талант Иманов хабарлады.
Министрдің айтуынша, Халық тіркеуі департаментінің бөлімдерін тексеру кезінде Үзген ауданында 1200 паспорт жетіспейтіні анықталған. Құжаттар жойылуы тиіс болған.
Ұлттық қауіпсіздік мемлекеттік комитеті осы іс бойынша жеті адамды ұстады, олардың арасында паспорт беру жүйесінің бұрынғы қызметкерлері де бар. «Біз ай сайын азаматтарға 50-60 мың паспорт береміз. Жылына – 500-600 мың. Ескі жүйеде жоғалған паспорттардың сатылғаны анықталды. Тергеу жүріп жатыр. Көп мәлімет бере алмаймын. Мұндай қылмыстың артында көп адам тұруы мүмкін», — дейді министр.
ҰҚМК әзірге Талант Иманов айтқан жайттар туралы мәлімет таратпады.
Бұның алдында министр Иманов паспорт беру жүйесінде мафия бар деп мәлімдеген.
newstaraz.kz