Қырғызстанда «Альфа Телекомның» (MegaCom) бұрынғы басшысы қамалды
«Альфа Телеком» («Мега» сауда маркасы, бұрынғы MegaCom) компаниясының бұрынғы бас директоры Азат Базарқұлов Қырғызстан ұлттық қауіпсіздік жөніндегі мемлекеттік комитетінің тергеу изоляторына 9 тамызға дейін қамауға алынды.
Бішкек қаласы 1-май аудандық сотының хабарлауынша, сот үкімі 27 маусымда қабылданған.
Арнайы қызмет мұның алдында Азат Базарқұловтың ұсталғанын хабарлаған. Оған қызмет бабын асыра пайдаланды деген айып тағылған. Арнайы қызмет мәліметінше, «Альфа Телекомның» басшылары жекеменшік компаниялармен сөз байласып, оларға тендер алып беріп отырған. Тендерді үнемі бір компания ұтатын болған.
Бұған қоса, сатып алынған құрал-жабдықтарға қымбат баға белгіленгені анықталып отыр. Соның салдарынан мемлекет «бірнеше миллионға шығынға батқан».
Еске салайық, Азат Базарқұлов «Мегаком» брендімен жұмыс істеген мемлекеттік ұялы байланыс операторын басқарған. 2022 жылы MegaCom сауда маркасын MEGA деп өзгерткен.
Винтоверт DeWalt PowerStack DCF850E1T-QW АКБ и ЗУ в комплекте