Қырғызстанда күн электр станциясының алғашқы кірпіші қаланды
Қырғызстанның Ыстықкөл облысындағы Тору-Айғыр ауылында қуаты 300 МВт болатын күн электр станциясының құрылысы басталды. Бұл туралы қырғыз үкіметі хабарлады.
Жобаны жергілікті «Бішкек Солар» компаниясы мен Ресейдің «Юнигрин энерджи» компаниясы жүзеге асырады.
Күн станциясының алғашқы кірпішін қалау салтанатына үкімет басшысы Ақылбек Жапаров қатысты. Премьер-министр станция салынатын жерді мемлекет бөлгенін, жобаны жүзеге асыру үшін қаражат тапқанын айтты.
Тору-Айғыр ауылында күн электр станциясы салынатыны 2022 жылғы маусымда мәлім болған. Сол кезде жобаны «Бішкек Солар» мен қазақстандық «Техногруппсервис» компаниясы бірге салады деп хабарланған. Алайда кейін қазақ компаниясымен жасалған келісім-шарт инвестор талабымен үзілген.
Ал күн электр станциясын салу туралы жаңа келісімге 2023 жылғы наурызда қырғыз-ресей үкіметаралық комиссиясының жиналысы кезінде қол қойылған. Үкімет мәліметінше, құрылысқа 300 млн доллардан аса инвестиция тартылады.
Винтоверт DeWalt PowerStack DCF850E1T-QW АКБ и ЗУ в комплекте