Қырғызстанда жерді заңсыз иемденушілермен күреседі
Қырғызстан президенті Садыр Жапаров «Жерді заңсыз басып алушылықты болдырмау шаралары туралы» жарлыққа қол қойды.
Мемлекет басшысы баспасөз қызметінің хабарлауынша, осы құжатқа орай тиісті мекемелер мен құзырлы өкілдерге тапсырма берілді. Атап айтқанда, оларға жерді заңсыз иемденушілерге қарсы шара қолдану бұйырылды.
Бұған қоса, мемлекет басшысы жерді тиімді пайдалану үшін бақылауды күшейтуді тапсырды. Республикада жерді қорғайтын заң барына қарамастан, азаматтар ауыл шаруашылығына және басқа да мақсаттарға белгіленген жерлерді жекеменшігіне айналдырып алған.
Қырғызстанда шамамен 13 мың гектар жер ауыл шаруашылығы мақсатына бөлінген, бірақ ол жерлердің көбісіне адамдар үй тұрғызып алған. Бұл жер учаскелерінің дені 2005 жылдан кейін жекелеген азаматтардың меншігіне өткен, кейін қолдан-қолға сатылған.
Президент Садыр Жапаров «Жер учаскелерін аудару (трансформациялау) туралы» заңға қол қойды, ол бойынша республикада 1712 гектар жер трансформацияланды.
Винтоверт DeWalt PowerStack DCF850E1T-QW АКБ и ЗУ в комплекте