«Әкім уәдесінде тұрмады». Куляб тұрғындары жолды өз күшімен жөндеуге мәжбүр (видео)
Тәжікстанның Куляб қаласындағы автокөлік жүргізушілер күндіз жолаушы тасыса, кешке тозығы жеткен жолды өз күшімен жөндеп жүр.
Жүргізушілердің айтуынша, қала әкімдігі өз міндетін дұрыс атқармай отыр, сол себепті тұрғындар жолды өз бетінше жөндеуге мәжбүр.
Куляб тұрғыны Камолиддин Достиевтің айтуынша, шұрық-тесік жолмен жүрген автокөліктердің де тозығы шыға бастады. «Көлікті айына бір-екі мәрте жөндеуге тура келеді. Автобөлшек сатушылар мен көлік жөндеушілер бұған мәз», — дейді ол.
Қалада бір жылдан бері жол басқармасы жұмыс істемейді. Кулябтың бұрынғы басшысы Кодир Вализода техника мен құрал-жабдықтың жоқтығынан бұл басқарманы таратып жіберген.
Жыл басында қала әкімі қызметіне Бахтиёр Назарзода тағайындалды. Ол жүргізушілерге жолды жөндеуге уәде берді, бірақ сөзінде тұрмады, дейді кулябтықтар.
Куляб басшысы 2022-2026 жылдарды қала жолдарын жөндеу кезеңі деп жариялаған. Бірақ 2022 жылыдң төрт айы өтсе де қалада жол жөндеу әлі басталған жоқ.
Винтоверт DeWalt PowerStack DCF850E1T-QW АКБ и ЗУ в комплекте