Өзбекстанда әкімшілікке шағымданып барған әйелді ұрып-соғып, психикалық ауруханаға жатқызған
Қашқадария облысының тұрғыны, екі баланың анасы жергілікті билік өкілдерін өзіне күш қолданды деп айыптайды.
22 қыркүйекте Дильдора Ходжакулова аудандық әкімшілікке шағым түсіріп барғанда, оны Ұлттық гвардия қызметкерлері ұрып-соғып, психиатриялық клиникаға жатқызғанын айтады.
– Мен ауыл әкімдігіне өзімнің құқығымды қорғау үшін барған едем. Бірақ төрт-бес ер адам маған қол жұмсады. Арасында ішкі істер департаментінің қызметкерлері де бар. Сосын олар мені жедел жәрдем көлігіне отырғызды да ауруханаға жөнелтті», – дейді Ходжакулова.
Оқиғадан кейін бір күн өткен соң 37 жастағы Дильдора Ходжакулованы аудандық медициналық орталыққа жіберген. Ол қазір сонда емделіп жатыр.
Медициналық орталықтың жетекшісі Сарвар Джураев Дильдора Ходжакулованың емделіп жатқанын растады. Ол әйелдің денесінде көгерген іздер бар екенін айтты. Ол медициналық сараптамадан кейін нақты нәтижесін айта аламыз деді.
Ал Ұлттық гвардия өкілдеріне әйелге қол көтергенін теріске шығарып отыр.
Дильдора Ходжакулова отбасылық жанжалдан кейін, күйеуі тұрып жатқан үйді әпкесіне сыйға тартқанын айтады. Күйеуі — Яккабаг ауданының мәслихат депутаты. Әйел екі баласымен үйсіз қалғаннан кейін, жергілікті әкімдікке үйін қайтарып беру үшін шағымданып барған екен.
Ондағы қызметкерлер әйел айқайға басып, өзін дөрекі ұстады дейді.
Дильдора ашу үстінде эмоцияға берілгенін мойындайды.
Ал оның бұрынғы күйеуі үйдің шын мәнінде әпкесінікі екенін айтады. Ол қажет болса, сотқа берсін деп отыр.
Винтоверт DeWalt PowerStack DCF850E1T-QW АКБ и ЗУ в комплекте