Өзбекстанда 19 мың адамды алдаған компания басшысы сотталды
Ташкенттің Чиланзар аудандық сотының шешімі бойынша «Avto 60 oy» компаниясының жетекшісі Жамшид Баходиров сегіз жылға бас бостандығынан айырылды. Ол «Алаяқтық» және «Жалған кәсіпкерлік» баптары бойынша айыпты деп танылды.
25 жастағы Баходиров пен компанияға байланысы бар тағы үш адам 4 жылдан 7 жылға дейінгі мерзімге сотталса, біреуі «қоғамға қауіп туғызбайды» деп жазадан босатылды.
Сот шешіміне сәйкес, сотталушылар жәбірленушілерге келтірілген материалдық шығынды өтеуі тиіс.
«Avto 60 oy» компаниясы басшылығына қарсы қозғалған қылмыстық іс бойынша тергеу былтыр маусым айында аяқталып, сот отырысы тамызда басталған.
Тергеу мәліметіне сәйкес, Жамшид Баходиров көлік сатып алғысы келген елдің әр аймағынан 19 мың адамнан 57 миллиард сумнан астам (5,4 миллион доллар) қаражат алған. Нәтижесінде олардың жүзге жуығына ғана көлік берілген.
Винтоверт DeWalt PowerStack DCF850E1T-QW АКБ и ЗУ в комплекте