Өзбекстанда 2022 жылдың көктемінде Кабул-Пешавар темір жолының құрылысын бастайды
Өзбекстан Кабул-Пешавар темір жолының құрылысын 2022 жылдың көктемінде бастауға дайын. Бұл туралы 20 желтоқсанда Пәкістанның The News International басылымы хабарлады.
Ақпаратқа қарағанда, бұл мәселе Пәкістанның бас қаласы Исламабад қаласында өткен Ислам ынтымақтастық ұйымының саммитінде «Талибанның» сыртқы істер министрі Амир Хан Муттаки мен Өзбекстанның сыртқы істер министрі Ильхом Махкамовтың арасында талқыланды.
Ауғанстанның бас қаласы Кабул мен Пәкістанның Пешавар қаласын байланыстырған темір жол құрылысының құны 4,8 млрд долларға бағаланып отыр. Оның жалпы ұзындығы 573 шақырымды құрайды.
Жақын күндері бұл мәселені техникалық тұрғыдан талқылау үшін Ташкентке тәліптердің өкілдері келеді деп күтіледі.
Кабул-Пешавар темір жол құрылысының жобасы 2018 жылы жарияланған. Ол қыркүйек айында салынуы тиіс болған. Бірақ тамыз айында Ауғанстанды тәліптер басып алғаннан кейін жобаны жүзеге асыру кейінге қалдырылды.
Винтоверт DeWalt PowerStack DCF850E1T-QW АКБ и ЗУ в комплекте