Өзбекстанда Сардоба апатынан зардап шеккендерге берілуі тиіс азық-түлікті сатқан ер адам жауапқа тартылды
Өзбекстанда Сардоба су қоймасы апатынан кейін үйсіз қалған азаматтарға берілуі тиіс азық-түлікті сатқан адам 3,5 жылға бас бостандығынан айырылды.
«Сырдарья хабарлари» басылымының ақпаратына қарағанда, осыған дейін алаяқтық үшін сотталған адам өзін Қызыл жарты ай қоғамдық ұйымының өкілі ретінде таныстырып, халыққа жәрдем беретін еріктілер қатарына қосылған. Ол аталған ұйымның атынан жасанды анықтама дайындап, жалпы 15 миллион 154 мың сумға (14,6 мың доллар) бағаланған азық-түліктің 15 түрін алып, сатып жіберген.
Құқық қорғау органдарының арнайы операциясы кезінде ұсталған адамға «Құжаттарды, мөрлерді, бланктерді қолдан жасау және қолдану» бабы бойынша қылмыстық іс қозғалған.
Сырдария облысындағы Сардоба су қоймасының дамбасы 2020 жылдың 1 мамырында жарылып, алты адам қаза болған. 22 ауылдың 60 мыңға жуық тұрғыны қауіпсіз аймаққа көшіріліп, жүздеген тұрғын сусыз және өнімсіз қалған.
Винтоверт DeWalt PowerStack DCF850E1T-QW АКБ и ЗУ в комплекте