Өзбекстанның Жоғарғы соты басмашылар лидері Ибрагим-бекті ақтады
Өзбекстанның Жоғарғы соты 1920-1930 жылдары репрессияға ұшыраған 115 адамды, оның ішінде Өзбекстанның, Тәжікстанның және Ауғанстанның солтүстік аймақтарында басмашылар қозғалысының лидері болған Ибрагимбек Чакабаевты (Ибрагим-бек) ақтады. Бұл туралы жергілікті басылымдар хабарлады.
Ақталғандардың жалпы тізімі Өзбекстанның Жоғарғы сотында жарияланды.
Мәліметке қарағанда, сот биыл ақпанда республикалық жұмыс тобынан келген алты қылмыстық істі қарап шыққан. Ол топ 2020 жылдың күзінде «репрессия құрбандарының қызметін жіті зерттеп, олардың есімдерін мәңгі есте қалдыру» мақсатында құрылған.
Басмашы – совет билігіне қарсы күрес жүргізіп, большевиктерді қуып шығаруды мақсат қылған Орталық Азиядағы әскери-саяси және діни қозғалыс болған. Өткен ғасырдың 20-жылдарының басында Бұхара халықтық совет республикасы құрылғаннан кейін Ибрагим-бек ондағы елді-мекендерге шабуыл жасап, большевиктер тақтан кетірген Бұхара әмірін қайта билікке әкелу жолында қарулы күресті басқарған.
СССР билігінің мәліметіне сәйкес, Ибрагим-бек Ауғанстанның солтүстік-шығысында биліктен құлатылған әмір жетекшілік ететін өзбек-тәжік мемлекетін құруды жоспарлаған. Сонымен бірге ол 1930 жылдың жазында Солтүстік Ауғанстанда рейд жүргізген совет-ауған экспедициялық отрядына қарсы соғысқан.
1931 жылдың жазында Ибрагим-бек НКВД-ның арнайы отряды тарабынан ұсталып, Ташкентке жеткізілген. Сол жылдың тамыз айында өлім жазасына кесілген. Бірақ Ибрагим-бектің отрядындағы адамдар қарулы топты бірнеше жыл жалғастырған.
Винтоверт DeWalt PowerStack DCF850E1T-QW АКБ и ЗУ в комплекте