АҚШ: Қытай Ресейге әскери көмек көрсетуге дайын
АҚШ Мемлекеттік хатшысы одақтастарына Қытай Ресейге Украинаға қарсы «арнайы операциясына» әскери көмек көрсетуге дайын деген құжат жіберді. Бұл жөнінде The Financial Times басылымы америкалық дипломатқа сілтеме жасап хабарлады.
The Financial Times жариялаған мақалаға қарағанда, Қытай Ресейге көмектеседі ме, әлде көмектесіп жатыр ма, нақты айтылмаған.
АҚШ-тың Ұлттық қауіпсіздік жөніндегі кеңесшісі Джейк Салливан бұл мәселені Қытайдың сыртқы істер министрі Ян Цзечимен Римде кездесу кезінде талқыламақшы. Салливанкездесу кезінде Қытайға ескерту жасайтынын атап өткен.
«Біз Қытайдың Батыс және Құрама Штаттардың Ресейге қарсы салып жатқан санкцияларына қосылмай, Мәскеуді үнсіз қолдап отырғанын көріп отырмыз. Олар бейбіт шешімді қалайтындықтарын айтады. Бірақ осы әрекет үшін ештеңе істеп жатқан жоқ», – деген Салливан, Қытай егер Ресейді қолдайтын болса, оларды да қатаң санкциялар күтіп тұр деп ескертті.
АҚШ-тағы Қытай елшілігі Ресейдің көмек сұрағаны жөнінде хабары жоқ екенін айтқан. Ресей де көмек сұрамағанын мәлімдеді.
Қытай ақпарат құралдары Ресейдің Украинаға басып кіргенін барынша ақтап жазып жатыр. Сонымен бірге «АҚШ Украинада билогиялық қару зертханасын салуға көмектесті» деген Ресейдің негізсіз айыптауларын таратып жатыр.
Винтоверт DeWalt PowerStack DCF850E1T-QW АКБ и ЗУ в комплекте