АҚШ Украинаға $40 млрд қосымша көмек береді
АҚШ Конгрессінің Сенаты Украинаға 40 млрн доллар көлемінде қосымша көмек беру туралы заң жобасын мақұлдады. Бұл туралы Америка дауысы хабарлады.
Қаражат Украина мен көрші елдерге әскери көмек беру ісі мен қару-жарақ жеткізуге жұмсалады.
Миллиардтаған доллар экономикалық және гуманитарлық көмек ретінде бөлінеді. Жанжалдан кейін туындаған ғаламдық азық-түлік дағдарысы мәселелерін шешуге ақша қарастырылған, деп жазды басылым.
Сенат 13 мамырда бұл құжатты қабылдай алмады, өйткені оған республикашыл Рэнд Пол бөгет жасаған. Саясаткер заң жобасына жұмсалатын ақша аудит жүргізетін федералдық инспектор шығынын есептеп қосуды талап еткен.
Шамамен 40 млрд доллар бөлу жөніндегі заң жобасын 10 мамырда Конгресстің төменгі палатасы қабылдаған. АҚШ президенті Джо Байден Конгресстен Украинаға 33 млрд доллар бөлуін сұраған, бірақ конгрессмендер қаражатты көбейту керек деп шешті.
Заң жобасына Джо Байден қол қояды.
Винтоверт DeWalt PowerStack DCF850E1T-QW АКБ и ЗУ в комплекте