Новости на Newstaraz.

Қарағандыда «Сирияға кетпек болған әйел» 9 жылға сотталды

0 4

6 ақпанда Қарағанды өңірінің тұрғыны 30 жастағы Жансая Т есімді келіншек «террористік ұйымдарға жасы кәмелетке толмағандарды тартты» деген айыппен 9 жылға бас бостандығынан айырылды.

Тергеу ісінің мәліметі бойынша, сотталушы «Ислам мемлекеті» террористік ұйымның құрамына кіріп, Сирияға өзімен бірге кәмелетке жасы толмаған туысын алып кетпекші болған.

Қорғау тарапы мен сотталушының өзі сот ісі кезінде көптеген заң бұзушылықтар орын алды дейді. Жансая Т. соттан өзін босатуын сұрап, ол тек ұлттық қауіпсіздік комитеті департамент қызметкерінің (ҰҚКД) нұсқауы бойынша жұмыс істегенін айтқан. Ол террористік ұйымға кіруге ойында болмағанын айтқан.

«ҰҚКД қызметкері бір адамның сеніміне кіруді көндірді. Сол адам үшін менің күйеуім ұсталған. Мен үш қалада комитет қызметкерлерінің бақылауында болдым. Олар менің ізімнен түсіп, әлгі адам жөнінде үнемі ескертіп отырды. Осының бәрін тоқтату үшін, мен ҰҚКД қызметкерлерінің айтқанын орындап, тәуекелге бардым. Әлгі адам үшін менің отбасым зардап шекті. Мен оны іздеуді жөн көрдім. Менің мақсатым, оны арнайы қызметке тауып беру болды. Бірақ менің кәмелетке толмаған туысымды алып кетпекші болды дегені жалған. Мен кетпекші болғанда, мені ұстады», — дейді айыпталушы ақтық сөзінде.

Жансая Т. 2017 жылдың қыркүйек айында Ұлттық қауіпсіздік комитеті қызметкерлері тарапынан ұсталған.

centralasian.org

Получайте обновления в реальном времени прямо на вашем устройстве, подписаться прямо сейчас.

Вам также могут понравиться

Оставьте ответ

Ваш электронный адрес не будет опубликован.