Армения президенті қызметтен өз еркімен кетіп, өзгеріс жасауға құзыреті жетпегенін мәлімдеді
Армения президенті Армен Саркисян қызметтен кетті, деп хабарлады мемлекет басшысының ресми сайты. Саркисянның мәлімдеуінше, бұл қызметте оның ел саясатына ықпал етуге, соғыс пен бейбітшілік мәселелерін шешуге құзыреті жетпейді.
68 жастағы саясаткер 2018 жылдың көктемінде билікке келді. 96-97 жылдары ол төрт ай премьер-министр қызметін атқарды. Армения — парламенттік республика, президент құзыреті шектелген. Бұл қызметке бір мәрте ғана, жеті жылға сайланады.
Саркисянның мәлімдеуінш, дәл қазіргі жағдайда «президенттің елге көмектесетін құзыреті жоқ».
Армения заңдарына сәйкес, президент қызметтен кету туралы өтінішін парламентке тапсырады, деп хабарлады Азаттықтың армян қызметі. Өтініш қабылданған уақыттан бастап президент бұл қызметтен босайды. Жаңа мемлекет басшысы қызметке кіріскенге дейін оның міндетін парламент төрағасы атқарады. Президентті Ұлттық жиналыс сайлайды.
Кезектен тыс сайлау президент қызметіне вакансия жарияланған уақыттан 25 күннен соң, он күн ішінде өтеді.
Винтоверт DeWalt PowerStack DCF850E1T-QW АКБ и ЗУ в комплекте