«Автобус» іс-шарасының 1 күнінде жол ережесін бұзған 90-ға жуық жүргізуші анықталды

Патрульдік полиция полкінің қызметкерлері қала аумағында жол апатын азайту, жол қозғалысын бақылау және қадағалау мақсатында «Автобус» жедел алдын алу іс-шарасын өткізуде. Шара аясында тәртіп сақшылары қоғамдық көліктердегі жолаушылардың қауіпсіздігін қамтамасыз ету, жол-көлік оқиғаларын болдырмау мақсатында автобус жүргізушілерінің жол қозғалысы ережелерін бұзу жайттарын алдын алу бойынша жұмыстарды күшейтті. Осылайша мегаполисте бір тәулік ішінде қоғамдық көлік жүргізушілерімен жасалған 84 әкімшілік құқық бұзушылық анықталған.

Атап айтқанда,

— ҚР ӘҚБтК-нің 571-бабы (жолаушыларды, багажды және заттарды

тасымалдау ережесін бұзу) – 2;

— ҚР ӘҚБтК-нің 590-бабы 7-бөлігі (тиісті рұқсатсыз қайта жабдықталған

көлік құралын басқару) – 2;

— ҚР ӘҚБтК-нің 590-бабы 9-бөлігі (техникалық байқаудан өтпеу) – 5;

— ҚР ӘҚБтК-нің 595-бабы (маневр жасау қағидаларын бұзу) – 7;

— ҚР ӘҚБтК-нің 591-бабы (ұялы телефон пайдалану) – 8;

— Көлік құралдарын пайдалануға тыйым салу(айыптұраққа қою) — 1;

— ҚР ӘҚБтК-нің 590-бабы 5-бөлігі (техникалық регламенттердің, ұлттық стандарттардың талаптарына сай келмейтін сондай-ақ көлік құралдарын пайдалануға тыйым салынатын ақаулары мен жағдайлары бар көлік құралын басқару) – 6;

— Автобус парктерінің лауазымды тұлғаларының әкімшілік жауапкершілікке тартылғаны – 1.

Тәртіп сақшылары жол қозғалысының барлық қатысушыларынан жол жүру ережелерін мүлтіксіз сақтауды сұрайды.

Сондай-ақ, миллионды қала – Шымкентте «Автобус» іс-шарасы 11-ақпанға дейін жалғасады.

Шымкент қаласы Полиция департаментінің Баспасөз қызметі