БҰҰ алғашқы гуманитарлық көмегін Термез арқылы Ауғанстанға жолдады
15 желтоқсанда БҰҰ-ның босқындар ісі жөніндегі Жоғарғы комиссары басқармасы алғашқы гуманитарлық көмегін Термез арқылы Мазари-Шариф ауған қаласына жолдады.
Өзбекстанның Сұрқандария облысындағы БҰҰ-ның гуманитарлық хабындағы жүк көрші елде жеткізілді. Өзбекстанның оңтүстігіндегі Термез Карго Орталық өзбек-ауған шекарасына екі шақырым жерде орналасқан.
Гуманитарлық жүкте тұрмысқа аса қажетті 40 тонна зат бар.
Қазан айының ортасында БҰҰ Ауғанстанға арналған гуманитарлық көмегін Өзбекстан арқылы жеткізетіні туралы мәлімет тарады.
Сол кезде Термез Карго Орталық логистикалық мекемесіне 100 тонна гуманитарлық көмек жиналған. Олар жүк көліктерімен Ауғанстандағы Мазари-Шариф қаласына жөнелтілуі тиіс болған.
Бірақ 28 қазанда тәліптер жасақтаған үкімет БҰҰ-ның гуманитарлық көмегін Термез арқылы Ауғанстанға жеткізуге рұқсат етпегені мәлім болды.
Винтоверт DeWalt PowerStack DCF850E1T-QW АКБ и ЗУ в комплекте