БҰҰ: Украинадан 2 миллион адам босып кетті
Ресейдің қарулы күштері Украинаға басып кіргелі бері елден босып кеткен азаматтар саны екі миллионға жетті, деп хабарлады 8 наурызда БҰҰ-ның босқындар ісі жөніндегі Жоғарсы комиссары Филиппо Гранди. БҰҰ мәліметінше, Еуропада Екінші дүниежүзілік соғыстан бері мұндай дағдарыс болмаған.
Today the outflow of refugees from Ukraine reaches two million people.
Two million.
— Filippo Grandi (@FilippoGrandi) March 8, 2022
Украинадағы соғыстың басталғанына екі апта өткен жоқ. Соған қарамастан 900 мыңға жуық украиндық бас сауғалап Польшаға өтсе, 150 мыңы Венгрияны паналады. Еуроодақ өз аумағында 6,5 миллион босқынды қабылдауға дайын.
Бір тәуліктің ішінде украин шекарасынан батысқа қарай 132 мың адам өтті, деп хабарлады Мемлекеттік шекара қызметі.
«Бізге атыстың тыйылғаны, бізге бітім керек, сол кезде адамдар елден қашпайды, үйлеріне қайта оралады. Бірақ олар қазір әбден шошып қалған», — деді Гранди «Әл-Жазира» телеарнасына.
Азаттық радиосы көші-қон дағдары кезінде «Гуманитарлық дәліз» подкастын іске қосты. Онда украиналық босқындар бастан өткерген оқиғаларын баяндайды.
Винтоверт DeWalt PowerStack DCF850E1T-QW АКБ и ЗУ в комплекте