БАҚ: Тәжікстан мен Өзбекстанға Ауғанстаннан 45 рейс ұшты
Ауғанстанның Тоlо TV телеканалы дереккөзіне сүйеніп, 15 тамыздан 16 тамызға қараған түні Тәжікстан мен Өзбекстанның Термез қаласына 45 рейс ұшқанын хабарлады.
Азаттықтың тәжік қызметі (Озоди радиосы) Тәжікстанның төтенше жағдайлар жөніндегі комитетіндегі дереккөзге сүйеніп, 16 тамызда үш ұшақ және екі тікұшақпен 143 ауған әскері ұшып келгенін хабарлаған.
Өзбек билігі әуе кеңістігін заңсыз бұзған ауған ұшағы құлатылды деп мәлімдеген.
16 тамызда «Талибан» қозғалысы Ауғанстан астанасына басып кірді. Ел президенті Ашраф Ғани шетелге қашып кетті. Бастапқыда оны Душанбеге, сосын Оманға ұшып кетті деп хабарлаған. Бірақ Тәжікстан билігі бұл ақпаратты теріске шығарды.
«Талибан» қозғалысы 1996-2001 жылдары Ауғанстан билігінде болған. Бірақ АҚШ бастаған халықаралық коалиция соңғы 20 жылда Ауғанстанды бақылап келген.
Винтоверт DeWalt PowerStack DCF850E1T-QW АКБ и ЗУ в комплекте