Бакуде журналистер тәуелсіз БАҚ-тың жұмысына шектеу қоятын жобаға қарсы шықты (видео)
Әзербайжан астанасы Бакуде тәуелсіз және оппозициялық ақпарат құралдарының өкілдері парламент екінші оқылымда қабылдаған «Медиа туралы» заң жобасына қарсы акцияға шықты.
Акцияға шыққандар «Баспасөзге еркіндік!» және «Репрессиялық заңға жол жоқ!» деген ұрандар айтты.
Белгілі зерттеуші журналист Хадижа Исмаилова тәуелсіз ақпарат құралдарының ісін шектейтін бапты алып тастауды талап етті.
Наразылық акциясына шыққандар аталған заң қуғындауды күшейтетінін, билікке журналистикамен кімнің айналысатынын өздері анықтауға мүмкіндік беретінін атап өтті.
Акция кезінде полиция қызметкерлері журналистерді қоршап алып, плакаттарды тартып алды.
Оған дейін журналистер депутаттарға резолюцияны тапсырып үлгерген. Онда «журналистердің реестрін құру және басқа да әрекеттер Конституцияны және Еуропаның сөз еркіндігі туралы конвенциясын бұзатыны» жазылған.
Винтоверт DeWalt PowerStack DCF850E1T-QW АКБ и ЗУ в комплекте