Бір аптада «102» арнасына 7000-нан аса қоңырау түсті

2023 жылғы 13 мен 19-наурыз аралығында Шымкент қаласы Полиция департаменті Жедел басқару орталығының «102» арнасына 7349 әр түрлі сипаттағы қоңыраулар шалынған. Оның 3371 тіркеуге алынып, қазіргі таңда тергеу амалдары жүргізілуде.

Бір апта ішінде бейнебақылау камераларының көмегімен 13 қылмыс ашылған.

Оның ішінде: ұрлық – 9, бұзақылық — 2, автокөлікті заңсыз иемденіп кету – 1, басқа да — 1.

Бейнебақылаулар заңбұзушылықтың алдын алуға, қылмыстың ізін суытпай ашылуына үлкен көмегін тигізіп келеді. Сондай-ақ, нөлдік төзімділік қағидасы және әкімшілік құқық бұзушылық бойынша 1086 жайт анықталып, әкімшілік хаттама толтырылды.

Оның ішінде: нөлдік төзімділік бойынша – 206, жол ережесін бұзған – 615, одан басқа да 168 жайт анықталды.

Шымкент қаласы Полиция департаментінің Баспасөз қызметі