Бішкек қалалық соты «Айзада ісі» бойынша сот үкімін күшінде қалдырды
21 қаңтарда Бішкек қалалық соты Айзада Қанатбекованы алып қашу және өлтіру қылмыстарына қатысты іс бойынша шешім қабылдады. Қалалық сот алғашқы инстанция шешімін күшінде қалдырды.
Жәбірленуші тараптың адвокаты Нұрбек Токтакунов сот шешімімен келіспейтінін, бұған жоғарғы инстанцияға шағымданатынын мәлімдеді.
2021 жылғы сәуірде Қырғызстанда Айзада Қанатбекованы өлтіріп кетті. 5 сәуірде таңертең Бішкекте белгісіз біреулер 26 жастағы қызды автокөлікке күшпен отырғызып, белгісіз жаққа алып кеткен. Оның мәйіті 7 сәуірде қала шетінде қалған автокөліктен табылды. Милиция мәліметінше, қызды күдіктінің жейдесімен қылқындырып өлтірген. Оны алып қашқан күдікті Замирбек Теңізбаевтың өлі денесі де сол көліктің салонында жатқан.
Қызды алып қашуға қатысты деген айып бес адамға тағылды. Былтыр қыркүйекте 1-май аудандық соты олардың бәрін кәнілі деп танып, түрме жазасын белгіледі.
Қыздың өліміне қатысты іс күдікті өліміне байланысты тоқтатылды.
Винтоверт DeWalt PowerStack DCF850E1T-QW АКБ и ЗУ в комплекте