Бішкекте белгісіз біреулер белсенділердің ІІМ ғимараты алдында «Зорлық-зомбылыққа қарсы» акция өткізуіне бөгет жасады (видео)
15 сәуірде Қырғызстандағы белсенділер «Зорлық-зомбылыққа қарсы» акция өткізу үшін ішкі істер министрлігінің ғимараты алдына жиналды. Олар Айзада Канатбекованы өлтіргендерді соттауды, ішкі істер министрі Ұланбек Ниязбековтің қызметтен кетуін талап етті.
Алайда өздерін ІІМ ардагерлеріміз деп таныстырған бірнеше жігіт белсенділердің митинг өткізуіне бөгет жасады. Олар акцияны доғаруды талап етті.
Кейін ІІМ ғимаратына өзін белсендіміз деп атайтын бір топ адам келді. Топ өкілдері «Зорлық-зомбылыққа қарсы» акцияға қатысушыларды «үкіметтік емес ұйымдардың өкілдері мен гейлер» деп атап, оларды «кісі өлімін өз мүдделері үшін пайдаланып жүр» деп айыптады.
Олар акцияға бөгет жасады. «Зорлық-зомбылыққа қарсы» топ өкілдері олардың милиция қызметкерлерінің көзінше қорқытқанын мәлімдеді. Соңында милиция екі топты ажыратуға тырысып, оларды арандатушылыққа жол бермеуге шақырған.
«Зорлық-зомбылыққа қарсы» алғашқы акция биыл 8 сәуірде ІІМ ғимараты алдында өткен. Сол кезде акцияға қатысушылар министр Ұлан Ниязбековтің қызметтен кетуін, құқық қорғау органдарында реформа жүргізуін талап еткен.
Винтоверт DeWalt PowerStack DCF850E1T-QW АКБ и ЗУ в комплекте