Депутат: Қырғыз шенеуніктерінің жол ережесін бұзуға қатысты 7 мың айыппұлын кешірген
Жол ережелерінің сақталуын қадағалайтын «Қауіпсіз қала» жүйесі тіркеген жеті мың айыппұл кешірілген. «Қауіпсіз қала» жобасына тендер жүргізудің заңдылығын тексеру жөніндегі депутаттар комиссиясының отырысында депутат Айбек Осмонов осылай деп мәлімдеді.
«Жеті мың айыппұл кешірілген деген ақпарат естідім. Жиналыстың келесі отырысында осыған қатысты мәлімет дайындалуын сұраймын. Бұлар кімдер? Айыппұлды не себепті кешірген? Қарапайым адамдар айыппұл төлеп, шенеуніктер кешірілуі керек пе? Бұлай болмауы тиіс. Оларға мұндай құқықты кім берген?, — деп сұрады депутат.
Депутаттың пікірінше, айыппұлдарды кешіруге қатысқандардың жауапкершілігі де қаралуы тиіс.
«Қауіпсіз қала» жобасы Бішкекте 2019 жылғы 12 ақпанда іске қосылды. Көшелерде орнатылған камералар жол ережелерінің бұзылғанын тіркейді. Жобаның алғашқы кезеңін Ресейдің «Вега» концерні жүзеге асырды.
2021 жылғы 27 мамырда депутаттар «Қауіпсіз қала» жобасының бірінші кезеңіне қатысты тендердің әділ өткенін тексеру үшін депутаттар комиссиясын құрды.
Винтоверт DeWalt PowerStack DCF850E1T-QW АКБ и ЗУ в комплекте