Душанбеде ММА атлеті Чоршанбиевті соттап жатыр
ММА атлеті әрі блогер Чоршанбе Чоршанбиевтің үстінен қозғалған іс бойынша сот 28 ақпанда Тәжікстан әділет министрлігі тергеу изоляторының ғимаратында басталды.
Чоршанбиев Интернетте конституциялық құрылымда күшпен өзгертуге үндеді деп айыпталды. Сотталушы мен оның туыстары тағылған айыпты жоққа шығарып отыр.
Судья Сафар Нұрализоданың мәлімдеуінше, сот ашық өтеді. Алайда сот залына Озоди радиосының журналистрін жібермеді. Сотқа Чоршанбиевтің адвокаттары мен туыстары қатысып жатыр.
Чоршанбе Чоршанбиев Таулы Бадахшан автономиялы облысының тумасы. Соңғы жылдары ол Ресейде тұрды, 2016 жылдан бастап аралас жекпе-жек жарыстарына қатысып жүрді.
Ол 2021 жылғы 3 желтоқсанда жол ережесін бұзғаны үшін ұсталды. Ресейдегі сот танымал спортшыға айыппұл салып, оны 30 желтоқсанға қараған түні Ресейден депортациялады. Душанбе әуежайында атлетті тәжік арнайы қызметінің өкілдері күтіп алды.
Винтоверт DeWalt PowerStack DCF850E1T-QW АКБ и ЗУ в комплекте