Екатеринбургте тәжіктер арасындағы қанды төбелес неден шыққаны мәлім болды
Ресейдің Екатеринбург қаласында тәжік мигранттары арасындағы жаппай төбелеске айыппұлы толық төленбей сатылған автокөлік себеп болған.
Екі адамның өмірін қиған қанды жанжал 12 маусымда түнгі сағат үште Екатеринбургтегі «Монетка» дүкенінің маңында болған. Азаттық радиосы Тәжік қызметінің мәліметінше, Хатлон облысы мен Соғды облысы Мастчох ауданының тұрғындары төбелескен.
Екатеринбургтегі тәжік диаспорасының басшысы Фаррух Мирзоевтың айтуынша, Хатлон облысының тұрғыны Мастчох ауданының тұрғынына автокөлік сатқан.
«Содан кейін сатылып кеткен автокөлікке 6 мың рубль айыппұл төлеу туралы түбіртек келген. Көліктің жаңа қожайындары оны төлеп беруін сұраған. Ерегістің арты төбелеске ұласып, екі жақ пышақтасқан. Тағы не болғаны бізге беймәлім» дейді Мирзоев.
Автокөлікті сатушы мен сатып алушының кімдер екені әзірге белгісіз.
«Коммерсантъ» басылымының хабарлауынша, 12 маусымдағы төбелестен «екі тәжік өліп, тағы екеуі жараланған». БАҚ мәліметінше, Мастчох ауданының 39 жастағы тұрғыны Темур Исмоилов пен 22 жастағы Хофиз Ниеззода өлген. Оларды Тәжікстанда жерлейді.
Винтоверт DeWalt PowerStack DCF850E1T-QW АКБ и ЗУ в комплекте