Футбол: Өзбекстан-Ирак ойынында жанкүйерлер тас лақтырып, фотограф пен оператор жарақат алды
Иллюстративное фото
Өзбекстан мен Ирактың футбол бойынша жасөспірімдер (U-23) құрама командалары арасындағы кездесу кезінде жанкүйерлер тас лақтырып, фотограф пен оператор жарақат алды. Бұл туралы Газета.уз сайты хабарлады.
Ақпаратқа қарағанда, Өзбекстан командасы 11 маусымда Ташкенттегі «Пахтакор»стадионында өткен жолдастық кездесуде пенальтилер сериясында (ойын есебі 2:2) 3:2 есебінде жеңіске жетіп, Азия кубогының жарты финалына шықты.
Ирактың U-23 құрама командасының бас жаттықтырушысы Мирослав Соукуп тас лақтырылғаннан кейін ойын тоқтатылуы керек еді деп есептейді.
«Мансабымда бірінші рет тас лақтырылған кезде футбол ойнадық. Менің ойыншыларым дұрыстап ойнай алмады. Оған өзбекстандық жанкүйерлердің тас лақтырғаны себеп болды. Мен Азияның футбол конфедерациясынан (АФК) сұрағым келеді: бұл дұрыс па? Кешіріңіз, бірақ кездесу бірден тоқтатылуы керек еді. Көрермендер бізге ашық түрде қысым жасады. Бұл дұрыс емес, біз жарақат аламыз ба деп қорықтық, ойыншылар қауіпсіз жерде ойнауы тиіс», – деді чехиялық маман.
Өз кезегінде Өзбекстандағы «Миллий тикланиш» партиясының төрағасы Алишер Кадиров «ойын кезінде тас лақтырған әрбір көрермен елдің, өзбек елінің және жастардың бетіне тас лақтырғанын түсінуі керек» деді.
Винтоверт DeWalt PowerStack DCF850E1T-QW АКБ и ЗУ в комплекте