Гурбангұлы Бердымұхамедов демалысқа шығу үшін президент ұлынан рұқсат сұрады
Түркіменстанның бұрынғы президенті Гурбангұлы Бердымұхамедов жақында ғана мемлекет басшысы атанған ұлынан 1 сәуірден бастап демалысқа жіберуін сұрады.
25 наурыздағы үкімет отырысынан соң экс-президент ұлына өтініш жасаған, деп хабарлады «Бүгінгі Түркіменстан» мемлекеттік агенттігі. «Аркадаг Гурбангұлы Бердымұхамедов Түркіменстан президентіне өтініш жасады», – делінген репортажда.
«40 жылдан бері басшылықта, 25 жыл бойы саясатта екенімді өзіңіз білесіз. Осы уақыт аралығындағы жұмыстың көптігінен дұрыстап демала алмадым», – деген Бердымұхамедов.
Экс-президент демалыс уақытында жаңа кітабын аяқтауды, сонымен бірге Орталық Азия елдері мен Ресей парламентаралық форумына дайындалуды көздеп отыр.
Сердар Бердымұхамедов әкесінің өтінішін орындады. Демалыстың қаншаға созылатыны хабарланбады.
Түркіменстанның жаңа президентін ұлықтау рәсімі 19 наурызда өтті. Орталық сайлау комиссиясы Сердар Бердымұхамедов мерзімінен бұрын өткен сайлауда 72,97% дауыспен жеңіске жетті деп хабарлады. Сайлауға халықаралық бақылаушылар қатыспады.
Азаттық радиосы Түркімен қызметінің тілшілері сайлау кезінде көптеген заңбұзушылық болғанын хабарлады.
The Economist журналының демократия индексінде Түркіменстан әлемдегі барлық елдер ішінде ең соңғы орында тұр.
Винтоверт DeWalt PowerStack DCF850E1T-QW АКБ и ЗУ в комплекте