Гурбангулы Бердымұхамедовтің әкесі қайтыс болды
18 сәуірде Түркіменстан президенті Гурбангулы Бердымұхамедовтің 88 жастағы әкесі Мяликгулы Бердымұхамедов қайтыс болды. Бұл туралы өлкенің мемлекеттік ақпарат құралдары хабарлады.
БАҚ мәліметтеріне сәйкес, 1932 жылы туылған Мяликгулы Бердымұхамедов әр жылдары кітапханашы, түркімен тілі және әдебиеті пәнінің мұғалімі болып, кейін ішкі істер министрлігінде түрлі қызметтер атқарған. Әскери оқу орнын аяқтап, зейнетке подполковник болып шыққан.
Осыған дейінгі ресми мәліметтерде Мяликгулы Бердымұхамедов батыр және жастарға үлгі болатын адам ретінде сипатталып, қайырымдылық көрсетіп тұратыны, өлең жазатыны да айтылып келген.
Оның есімі Ашғабадтағы №1001 әскери бөлім мен ІІМ қызметкерлері үшін салынған демалыс орнына берілген.
Түркіменстанның ақпарат құралдары ондаған жылдар бойы президенттің әкесі Мяликгулы Бердымұхамедовті, анасы Огулабатты және үлкен атасы Бердымухамед Анаевті мақтап-мадақтап келеді. Өлкеде Мяликгулы Бердымұхамедов атындағы медаль бар. Бердымухамед Анаев атындағы әскери оқу орны бар.
Винтоверт DeWalt PowerStack DCF850E1T-QW АКБ и ЗУ в комплекте