Халық емімен өкпедегі қақырықты (сұйықтықты) қалай шығаруға болады?
Пияз тұнбасы.
Бұл тұнбаны дайындау үшін қажеттілері- сұйық балдан 50гр, пияз-жарты кг, 1 литр су, құмшекер-жарты кг. Тазалап, майдаланған пияздың үстіне су мен құмшекерді қосып, 3 сағат бойы отты басып қайнату. Суығаннан кейін үстіне балды қосып, аузы мықты жабылатын шыны ыдысқа құю. 5-6 ас қасық тұнбадан сөткесінде тамақтан соң пайдалану.
Банан қайнатпасы
Қажеттілері- 2 банан, 50 гр құмшекер,1 стакан су. Қайнаған суға қантты салып, үстіне дәке арқылы майдаланған бананды салып, араластыру. Оны ыстық шаймен ішу.
Қара тұрып тұнбасы (черная редька)
Бір қара тұрыптың үстіннен ойық жасап, оған екі қасық бал құйып, үстін дәкемен жауып, қайнаған (суытылған) суы бар стаканға абайлап, құйрығымен қою. 5 сағаттан кейін тұнбаны ішіп, қара тұрыптың ойған ойығымызға балдан тағы 2 қасық құйып, қайта орнына қою керек.
Алма, картоп, пияз қосындысының қайнатпасы
1 литр суға 1 алма, бір картоп, бір бас пиязды майдалап салып, жартысы қалғанша жай жанған отта қайнату. Бұл қайнатпаны балаға күніне 1 шай қасықтан 3 рет қабылдату
Шөп тұнбасы
1 литр қайнаған суға 2 ас қасық мына төмендегі шөптердің біреуінен салып, тұндыру. (жолжелкен жапырағы-подорожник большой, қызыл мия тамыры-корень солодкий, тасшөп-чабрец) Тұнба 2 сағат тұнғаннан кейін күніне 3рет 1 стаканнан қабылдау.
Ескерте кететін жай-әр тұнбаны қабылдау алдында емдейтін дәрігермен кеңесіңіз және тәтті тұнбаларды сусамыр(сахарный диабет) ауруымен ауыратындарға пайдаланбаған жөн, балды қайнатуға болмайды, себебі барлық емдік қасиеттері жоғалады, сол себепті балды жылы тұнбаға араластырған жөн (40градустан аспайтын).
newstaraz.kz