Кабул мен Ташкент Трансауған темір жолы жобасын зерттеуге келісті
Өзбекстан мен Ауғанстан Трансауған темір жолы бағытын зерттеуді көздеп отыр. Бұл жол Орталық және Оңтүстік Азияны жалғауы тиіс.
Бұл туралы Tolo News агенттігі Ауған темір жолы мәлімдемесіне сілтеме жасай отырып хабарлады.
Ауған темір жол мекемесінің басшысы Бахт-Рахман Шарафаттың мәлімдеуінше, ауған жағы Өзбекстаннан Ауғанстанда көлік жобасын жүзеге асыру жөнінде ұсыныс алған.
«Кеше кешке біз Өзбекстаннан электронды хат алдық. Олар Трансауған (темір жол) жобасын бастауға дайын», — дейді Шарафат.
Трансауған темір жол жобасы Оңтүстік пен Орталық Азияны Ауғанстан арқылы жалғайды.
Ауғанстан премьер-министрінің бірінші орынбасары Молла Абдул Ғани Барадар Өзбекстан ұлттық қауіпсіздігі жөніндегі кеңесшісі Абдуләзіз Камиловпен кездесіп, темір жол жобасын талқылаған.
Ауған экономика министрлігінің мәлімдеуінше, Ислам Әмірлігі бұл жобаны жүзеге асыруға дайын.
«Ислам Әмірлігінің саясаты Ауғанстанды аймақ әріптестігінің орталығына айналдыруды көздейді. Үкімет трансауған жобасын жүзеге асыруға толық әзір», — деп мәлімдеді экономика министрінің орынбасары Абдул Латиф Назари.
Жобаға сәйкес, трансауған темір жолы Мазари-Шариф, Саманган, Пул-и-Хумри, Кабул, Логар және Желалабад қалалары арқылы өтіп, Пәкістанға дейін жетеді.
Винтоверт DeWalt PowerStack DCF850E1T-QW АКБ и ЗУ в комплекте