Кабулдағы екі жарылыста кем дегенде 19 адам опат болды
Мальчик, пострадавший во время взрыва, лежит на носилках у входа в больницу в Кабуле
Кабул орталығындағы әскери ауруханаға жасалған шабуыл салдарынан кем дегенде 19 адам опат болып, елу шақты адам жараланды. Бұл туралы AFP «Талибанның» денсаулық сақтау министрлігіне сілтеме жасап хабарлады.
Шабуыл жауапкершілігін әзірге ешқандай топ мойнына алған жоқ, бірақ тәліптер жарылысты «Ислам мемлекетінің» бөлімшесі — IS-K ұйымын айыптап отыр.
Tolo News телеарнасының мәліметінше, алғашқы жарылыс аурухана кіреберісінде, екіншісі ғимаратқа жақын маңда болған. Одан соң шабуылдаушылар мен «Талибан» содырлары арасында атыс басталды.
Дәрігерлердің бірі жарылыстан соң оқ атылғанын естігенін AFP агенттігіне хабарлаған. «Шабуылдаушылар өткен жолдағыдай бір бөлмеден екінші бөлмеге өтіп жатқан сияқты», – деп мәлімдеген дәрігер 2017 жылы дәл осы ауруханаға жасалған шабуылды еске салды. Сол кезде «Ислам мемлекеті» тобының дәрігер киімін киген содырлары кем дегенде отыз адамды өлтірген.
Халықаралық әскер Ауғанстаннан кеткен соң, 2021 жылғы тамызда «Талибан» содырлары билікті басып алды. Елде зорлық-зомбылық оқиғалары мен жарылыстар жиіледі, олардың бірқатарын тәліптермен жауласушы «Ислам мемлекеті» жасады.
ИМ ұйымдастырған ірі шабуылдардың бірі 2021 жылғы тамызда халықаралық эвакуация кезінде Кабул әуежайында болды. Жанкешті содырлардың адам көп жиналаған жерде жасаған жарылыстарынан шамамен 200 адам қаза тапты.
Винтоверт DeWalt PowerStack DCF850E1T-QW АКБ и ЗУ в комплекте