Кремль шенеунігі Дмитрий Козактың Қырғызстанға келгені мәлім болды
Ресейдің президенті әкімшілігі жетекшісінің орынбасары Дмитрий Козак өткен аптада Қырғызстанға келгені мәлім болды.
Бұл туралы Азаттық радиосы Қырғыз қызметінің бірнеше сенімді дереккөзі хабарлады.
Алайда Кремль шенеунігінің сапары туралы Бішкек те, Мәскеу де әзірге ресми түрде мәлімет таратпады. Президенттің баспасөз қызметі бұл ақпаратқа қатысты мәлімет бермеді.
Temirov LIVE арнасының 19 сәуірде жариялаған видеосына сенсек, 6 cәуірде Бішкек әуежайына Ресей федералдық қауіпсіздік қызметіне тиесілі ұшақ қонған, ол осында 8 сәуірге дейін тұрған.
Мәліметтерге қарағанда, бұл ұшақ осыған дейін Қырғызстанға бірнеше мәрте келген. Мысалы, 2020 жылғы 12 қазанда Дмитрий Козак Бішкекке осы ұшақпен жетіп, Қырғызстанның сол кездегі президенті Сооронбай Жээнбековпен кездескен.
newstaraz.kz