Осылайша, жастар қазақтың ұлттық киімдерін насихаттап жүр.

Ақсу қаласында Ұлыстың ұлы күні қарсаңында жастар бастамаларын дамыту орталығының қызметкерлері жұмысқа ұлттық киіммен келіп жүр, деп хабарлайды pavlodarnews.kz.

Бұл туралы орталықтың директоры Еркебұлан Күнтуған мәлім етті.

«Мұндай идея ойымызға бір ай бұрын келді. Аптаның басынан бастап жұмысқа ұлттық нақыштағы киімдер киіп жүрміз. Осылайша, жастар арасында қазақтың ұлттық киімдерін насихаттап жүрміз», — деді Е. Күнтуған.

Айта кетерлігі, жастар алдағы өтетін ҚР Парламенті Мәжілісінің және барлық деңгейдегі мәслихаттар депутаттарының кезектен тыс сайлауда дауыс беруге де ұлттық киімде баруды жоспарлап отыр.

Назым Қарабаева

Фото: pavlodarnews.kz