Мәскеуде мигранттар митингке шықты (видео)
22 ақпанда Мәскеуде мыңдаған мигрант, оның ішінде Өзбекстан мен Тәжікстан азаматтары өздері істеген «Крокус Групп» құрылыс компаниясына қарсы митингке шықты. Бұл туралы Озоди радиосы хабарлады.
Мигранттардың сөзінше, компания оларға төрт айдан бері айлық төлемей келеді.
Аты-жөнін айтқысы келмеген тәжікстандық мигранттардың бірі «Крокус Групптың» күзетшілері жиналғандарды тартқату үшін әуеге үш рет оқ атқанын жеткізді.
«Компанияда мыңға жуық тәжікстандық мигрант істейді. Біз былтыр қараша айынан бері айлық алмадық. Орташа жалақы 50-60 мың рубльді құрайды», — деді ол.
Мигранттар «Левобережный» тұрғын үй кешенінің құрылысында істеп жатқанын жеткізді. Әзербайжандық кәсіпкер Ораз Агаларовқа тиесілі компания жұмысшыларға айлықты наурыз айының басында төлеп беруге уәде етті.
Тәжікстандық мигранттар Ресейде заңды істеп жүргеніне қарамастан, полицияға арызданған емес.
Осыған дейін «Крокус Групптың» жұмысшылары айлықты өз уақытында ала алмай жүргенін айтып, бірнеше рет арызданған.
Винтоверт DeWalt PowerStack DCF850E1T-QW АКБ и ЗУ в комплекте