Мирзияевтің үлкен қызы журналистерді қолдау қорын таныстырды
2 ақпанда Өзбекстан президентінің үлкен қызы Саида Мирзияева ұлттық масс-медианы қолдау және дамытуды көздейтін жаңа Қоғамдық қорды таныстырды.
Қор жұмысын таныстыруға арналған іс-шарада президент қызы сөз бостандығын қорғауға, журналистер мен блогерлердің мүддесін қолдауға бар күшін салатынын мәлімдеді.
«Журналистер мен блогерлердің масс-медиа саласындағы мәселелерді шешу үшін бірігетін уақыт келді. Бұл қор бастамалар мен жобаларды жүзеге асыратын алаңға айналады», — деп мәлімдеді Саида Мирзияева.
Еске салайық, 29 қаңтарда президент әкімшілігіне қарасты Ақпарат агенттігінің директоры Комил Алламжонов пен оның орынбасары Саида Мирзияева өз еркімен қызметтен кетті.
23 қаңтарда жаңа Қоғамдық қор құрылғаны мәлім болды.
Комил Алламжонов Қоғамдық қордың қамқоршы кеңесінің басшы болып сайланды. Саида Мирзияева оның орынбасары қызметін атқарады.
Винтоверт DeWalt PowerStack DCF850E1T-QW АКБ и ЗУ в комплекте