Нүрек су қоймасындағы су деңгейі 4 метрге қысқарған
Тәжікстандағы ең ірі Нүрек су қоймасындағы су деңгейі 4 метрге қысқарған. Нүрек қаласының төрағасы Дилшод Асозода баспасөз конференциясында осылай деп хабарлады.
«Қаңтардағы аязды күндері билік халықты жарықпен толық қамтамасыз еткісі келді. Соның нәтижесінде электр қуатына сұраныс артып, Нүрек ГЭС-нің су қоймасындағы су көп пайдаланылды. Су деңгейі төрт метрге қысқарды» дейді қала басшысы.
Соған қарамастан Нүрек су электр станциясы өндірісті ұлғайтып отыр. ГЭС-тің бас инженері Махмадамин Махмадсаидзоданың айтуынша, былтыр су электр станциясы 10 млрд кВт/с электр қуатын өндірген.
2019 жылдан бері Тәжікстанда «Нүрек су электр станциясын жаңарту» жобасы жүзеге асып жатыр. Жөндеу аяқталған соң станция қуаты 3 мыңнан 3300 МВт электр қуатына дейін артады. Жоба бес жылды қамтиды.
Былтырғы қазанда Нүрек су электр станциясында №1 агрегаты қосылды.
Винтоверт DeWalt PowerStack DCF850E1T-QW АКБ и ЗУ в комплекте