Омбудсмен кеңсесі Қарақалпақстанда азаптаулар болды деп хабарлағанын жоққа шығарды
Өзбекстанда омбудсмен кеңсесінің баспасөз қызметі Қарақалпақстанда маусым толқулары кезінде ұсталғандардың адвокаттары тергеу барысында азаптау деректері болғанын парламент комиссиясында мәлімдеді дегенді жоққа шығарды.
Омбудсмен баспасөз қызметінің бұған дейінгі хабарламасында былай келінген: «Адвокаттардың Қарақалпақстандағы оқиғаларға қатысты тергеудің қалай жүргізілгені туралы пікірлері зерттелді. Атап айтқанда, оларды тергеу изоляторындағы азаматтармен кездесуге кедергі жасалған, ұсталғандарға туыстары әкелген заттарды бермеген, тергеу кезінде азаптауға жол берілген».
Мәліметке қарағанда, 16 тамызда омбудсмен Нүкіс оқиғасына қатысты қозғалған қылмыстық істер бойынша жұмыс істеп жүрген адвокаттармен кездескен.
Бұл уақытта парламент комиссиясының тағы бір мүшесі, «Миллий тикланиш» («Ұлттық өркендеуі») партиясының жетекшісі Әлішер Қадыров «Қарақалпақстанда репрессия мен қысым жоқ» деп мәлімдеген.
Депутаттың айтуынша, Қарақалпақстанда мыңнан астам адам кінәсіздігі үшін емес, ізгі ниет белгісі ретінде босатылған. «Қалғандарына қатысты тергеу әлі аяқталған жоқ», — деп мәлімдеген Қадыров Қарақалпақстандағы оқиғалар туралы білгісі келгендерден тергеуге араласпауын сұраған.
Винтоверт DeWalt PowerStack DCF850E1T-QW АКБ и ЗУ в комплекте