Павлодарлық археологтар Баянауылда көне замандағы қабірді анықтады
Археологтардың айтуынша, табылған қабір өлке тарихын айтарлықтай толықтыра түспек.
Павлодарлық археологтар Торайғыр көлінің жағасындағы «Мұртты қорған» ескерткішінің жанынан біздің эрамызға дейінгі VIII – VI ғасырлардағы қабірді анықтады, деп хабарлайдыpavlodarnews.kz.
— Қорғанның түбінде осыдан 2600-2700 жыл бұрын өмір сүрген жауынгер жерленген, — дейді орталық директоры Тимур Смағұлов.
Археологтардың айтуынша, табылған қабір өлке тарихын айтарлықтай толықтыра түспек. Бұдан басқа, «Туған жер» бағдарламасы бойынша табылған қалдықтар Баянауылдың соңғы туристік маршрутына енгізіледі деген үмітте.
– Біз өз орталығымыздың зертханасы мен алғашқы табыстарымыз көрсетілген филиалды аштық. Алдағы уақытта мұнда ашық аспан астындағы музей мен Баянауылдың археология музейі ашылады. Біздің өлкенің тарихына қызығушылық танытқан кез келген адам осы жерден барлығын тамашалай алады.