Ресей түрмелерінде отырған 459 азамат Қырғызстанға экстрадицияланудан бас тартқан
Ресей түрмелерінде отырған 459 қырғызстандық экстрадицияланудан бас тартты. Бұл туралы 24 мамырда Бішкекте өткен жиында Қырғызстанның сыртқы істер министрлігінің (СІМ) консулдық департаментінің жетекшісі Алмаз Букалаев мәлімдеді.
Оның сөзінше, былтыр Ресейден Қырғызстан түрмелеріне 33 азамат аударылған.
Биыл 1-тоқсанда 19 азамат аударылды. Тағы 38 азаматты алып келу бойынша істер жүріп жатыр»,- деді Букалаев.
Ол министрлік шетелдерде абақтыда жатқан 550, оның ішінде Ресейде сотталған 400-ден астам адаммен жеке сөйлесулер жүргізгенін атап өтті.
Жиынға сыртқы істер министрі Жээнбек Кулубаев, бас прокуратураның, халықаралық ұйымдардың, миграциялық бірлестіктердің өкілдері және абақтыда жатқан адамдардың туыстары қатысты.
Ресми мәлімет бойынша, Ресейдің тергеу изоляторларында мыңнан астам қырғыз азаматы қамауда жатыр.
Ресейдегі «Вагнер» жекеменшік компаниясы түрмелерде отырғандарды соғысқа жалдап жатқаны, олардың арасында Орталық Азиядан барған мигранттар да бар екені белгілі болған.
Азаттық орыс түрмелерінен соғысқа тартылған сегіз қырғызстандықтың қаза болғанын растады.
Винтоверт DeWalt PowerStack DCF850E1T-QW АКБ и ЗУ в комплекте