Ресейден 70 мыңнан 100 мыңға дейін IT маманы шығып кетуі мүмкін
Таяу айларда Ресейден 70 мыңнан 100 мыңға дейін IT маманы шығып кетуі мүмкін. Бұл туралы Baza басылымы Ресейдің Электрондық байланыс ассоциациясының басшысы Сергей Плуготаренкоға сілтеме жасап хабарлады.
Плуготаренконың сөзінше, ақпан айынан бүгінгі күнге дейін Ресейден 50 мыңнан 70 мыңға дейін IT маманы шығып кеткен.
«Елден кететін IT мамандарының саны бұдан да көп болады. Оған бағаның қымбаттауы,транзакцияларды жүргізу мүмкін еместігі себеп болып жатыр», — деді Плуготаренко.
Осыған дейін шетелде жүрген ресейлік оппозиция өкілдері мен қоғам белсенділері Ресейдің соғысқа қарсы комитетін құрған. Ондағы мақсат – Украинадағы соғыстан кейін елден шығып кеткен ресейліктерді қолдау.
Комитет өкілдері «Путиндік Ресейде тұру мүмкін емес деп есептегендерге» шетелдерде құжаттарын әзірлеп, виза алуға, банк есеп-шотын ашуға және заңдық тұрғыдан көмек көрсетпек.
Винтоверт DeWalt PowerStack DCF850E1T-QW АКБ и ЗУ в комплекте