Ресейдің әділет министрі еңбек мигранттарын сотталғандарға алмастыру ұсынысын қолдады
Ресейдің әділет министрі Константин Чуйченко федералдық жазаны өтеу қызметінің еңбек мигранттарының орнына сотталғандарды жұмысқа шығару туралы ұсынысын қолдады.
Чуйченконың айтуынша, Ресейде шамамен 180 мың жазасын өтеуші түрме мерзімін жұмыспен алмастыруға құқылы. Бірақ елде сегіз мың адамға ғана мұндай жұмыс табылады.
Министр ірі инвестициялық жобаларға жазасын өтеушілерді тартуды жөн көреді.
«Біз кәсіпкерлермен келіссөз жүргізіп жатырмыз, келісімдер жасалады, федералдық жазаны өтеу қызметі осы жұмыстарды атқарып жүр. Болашақта түзеу орталықтары мен орындары көбейеді», — деді Чуйченко «Интерфакс» агенттігіне.
Өткен аптада федералдық жазаны өтеу қызметінің басшысы Александр Калашников ірі нысандардың жанынан еңбек лагерлерін ұйымдастыруға дайын екенін мәлімдеген.
Ресейдегі мигранттар федерациясының басшысы Вадим Коженов федералдық қызмет директорының ұсынысын сынады. Еңбек мигранттарының тәжірибесі бар, ал сотталғандарға жұмысты қалай жасау керектігін ешкім үйретпейді, деп мәлімдеген Коженов.
Винтоверт DeWalt PowerStack DCF850E1T-QW АКБ и ЗУ в комплекте