Шекарашылар ірі қараны Қазақстаннан Қырғызстанға заңсыз өткізбек болғандарды ұстады
Бұл туралы Қырғызстан Ұлттық қауіпсіздік жөніндегі мемлекеттік комитеті Шекара қызметі хабарлады.
24 шілдеде қырғыз шекарашылары Жалал-Абад облысы Ақсы ауданы Монол елді мекенінде Қырғызстаннан Өзбекстанға 36 қойды заңсыз өткізбек болған үш азаматты ұстады.
Артынша Талас облысы Талас ауданындағы Тегерек-Саз елді мекенінде Қазақстаннан Қырғызстанға 80 ірі қараны заңсыз өткізбек болғандар қолға түсті. Алдын ала мәлімет бойынша, олардың жалпы құны 12 млн сом (150 мың доллар) болған.
Шекара қызметінің хабарлауынша, қолға түскен азаматтар құзырлы органдардың қызметкерлеріне тапсырылған.
Еске салайық, 2021 жылдың аяғында қырғыз үкіметі Қырғызстаннан алды шетелге шығаруға тыйым салған. Үкімет осындай шешім қабылдау арқылы азық-түлік қауіпсіздігін қамтамасыз еткісі келген.
Винтоверт DeWalt PowerStack DCF850E1T-QW АКБ и ЗУ в комплекте