Новости на Newstaraz.

Стриптиз-шоу ұйымдастырған түнгі клуб қарағандылықтардың ашуын келтірді (видео +18)

0

Түнгі клуб. 31 арнадан кадр

Қарағанды облысының тұрғындары келушілердің санын арттыру үшін стриптиз-шоу ұйымдастырған түнгі клубты жабуды талап етіп отыр деп хабарлайды 31 арна.

Өйткені жалаңаштанған күйде би билеп, елдің көзінше азаматтарды шешіндірген қыздардың бейнежазбасы бір түннің ішінде көпшілікке тарап үлгерген. Ал түнгі клуб өкілдері әдепсіз биден ерсі қылық көріп тұрған жоқпыз дейді.

Халықтың ашуын келтірген Шахтинск қаласындағы клубта беттерін бетпердемен жапқан, бастарына жасанды шаш таққан жартылай жалаңаш қыздардың өнерін тамашалау үйреншікті жағдай сияқты. Тіпті ащы суға тойып алған азаматтардың өзі де стриптиз билеуден қымсынбайды. Сорақысы билеп қана қоймай, көпшілік алдында келуші азаматтардың іш киімдерін шешкен қыздардың арсыз әрекеті халыққа тараған.

Халық әлеуметтік желі арқылы келіп жатқан сұмдық бейнежазбаны балалар да көріп қоя ма деп қорқады. Жергілікті тұрғындар түнгі клубтың жабылғанын қалайды.

Ал кәсібін табысты етуге тырысамын деп дауға қалған түнгі клуб өкілдері «бұл жай ғана стриптиз» деп жұрттың ашуына аландаулы емес. Әкімшілік қызметкері өткен аптадағы стриптиз-шоу бұрын-соңды болмағанын айтады.

«Бұл — жай ғана стриптиз-шоу. Осындай концерттік бағдарлама болады деп тұрғындарға алдын ала айтылған. Әрине, егер ыңғайсыздық туғызсақ кешірім өтінемін», — дейді «Пандора» түнгі клубының басқарушы директоры Саида Жұмабаева.

Іш киімін шешіп, анайы қылық көрсеткен ер адам қазір іздестіріліп жатыр екен. Ал кештің көркін қыздыруға арнайы жалданған қыздармен шектен шыққандары үшін келісімшарт бұзылыпты.

Ескерту: Видеода бейәдеп кадрлар кездеседі!

 

Вам также могут понравиться

Оставьте ответ

Ваш электронный адрес не будет опубликован.