Түркімен билігі қоғам белсенділерін қаралау науқанын қайта бастады
Туркменистан. Встреча районных чиновников, Ашхабад. 28 марта 2015 г. (Иллюстративное фото)
Түркіменстан билігі халық арасында наразылық күшейіп жатқанынан қауіптеніп, шетелдерде тұрып жатқан белсенділерді қаралау әрекетін қайта бастады.
Азаттықтың түркімен қызметінің Лебап облысындағы тілшісінің хабарлауынша, аймақ билігі белсенділерді қаралау жөнінде жергілікті құқық қорғау органдарына тапсырма беріп жатыр.
«9 қарашада Фарап аудандық мәдениет үйінде жиналыс өтті. Оған бюджеттік мекемелердің қызметкерлерін жинады. Онда түркімен билігін сынап жүрген Мурад Курбановтың, Дурсолтан Таганованың және басқа Лебап облысынан шыққан алты белсендінің суреттерін іліп, олардың видеоларын халық көрмеу керектігін ескерткен», — деген жиынға қатысқан азаматтың бірі.
Мурад Курбанов оппозициялық «Түркіменстанның демократиялық таңдауы» қозғалысының лидері. Қазір Францияда тұратын белсенді қозғалысты 2020 жылы құрған. Содан бері бұл қозғалысқа шетелде тұратын мигранттардың көбі мүше болып кірді.
30 жастағы Дурсолтан Таганова да аталған қозғалыстың белсенді мүшесі. Ол Түркияда тұрады. Биыл қыркүйек айында Таганова ұсталып, кейін халықаралық құқық қорғау ұйымдарының қысымынан кейін қайта босатылған.
Соңғы жылдары шетелде тұрып жатқан түркімен азаматтары президент Бердымухамедов басқарып отырған жүйеге ашық қарсылықтарын білдіре бастады.
Винтоверт DeWalt PowerStack DCF850E1T-QW АКБ и ЗУ в комплекте