Түркіменстанда алғашқы олимпиада жүлдегерін президент сыйлығымен марапаттады
Тәуелсіз Түркіменстан тарихында алғашқы рет жалғыз олимпиада медалін алған Полина Гурьеваға спорт шебері атағы беріліп, көлік және жаңа пәтер сыйға берілді. Бұл туралы түркімен басылымдары хабарлады.
Ақпаратқа қарағанда, Гурьеваға президент Гурбангулы Бердымухамедовтің атынан 50 мың АҚШ доллары, Ашғабадтан үш бөлмелі пәтер және Lexus LX 570 үлгісіндегі көлікті өлкенің вице-премьері Сердар Бердымухамедов тапсырған. Шара 21 тамызда Ашғабадтағы Олимпиада қалашығында өткен.
Ауыр атлетші Гурьева өлке тарихындағы алғашқы олимпиада медалін (күміс) быйыл Жапонияда ұтып алды. 27 шілдеде 59 келіге дейінгі салмақ категориясындағы спортшылар арасынан өткен жарыста Гурьева штанганы бұлқып және жұлқып тартудан 217 (96+121) келі көтерген.
Осыған дейін өлкенің 30 жылдық тәуелсіздік тарихында түркіменстандық спортшылар Олимп ойындарында бірде- бір медаль ұтқан емес.
Биыл Токиода өткен жазғы Олимпиада ойындарына Түркіменстаннан тоғыз спортшы барған. Оларды өлкенің вице-премьері, президенттің ұлы Сердар Бердымухамедов алып барған.
Винтоверт DeWalt PowerStack DCF850E1T-QW АКБ и ЗУ в комплекте