Ал, Павлодарда Сыбайлас жемқорлыққа қарсы іс-қимыл агенттігі шенеуніктерді түрмеге апарып, экскурсия жасатты. Олардың мақсаты пара алудың соңы түзеу мекемесімен аяқталатынын түсіндіру екен. Бұл туралы Еуразия бірінші арнасы хабарлайды.
Бұл сыбайлас жемқорлыққа қарсы іс-қимыл агенттігінің шенділерді түзеу мекемесінің жағдайымен таныстыру сәті. Мемлекеттік қызметкерлер түрменің тыныс-тіршілігінен хабардар болып, тіпті, сотталушылардың қайда жатып, қай жерде тамақтанатынына дейін көруде.
Жазасын өтеп жатқанына төрт жыл болған, атын атамауды өтінген сотталушы адал еңбек еткеннен артығы жоқ деген ойға келіпті.
ЖАЗАСЫН ӨТЕУШІ:
«Менің жазамды өтеп жатқаныма төрт жыл уақыт болды. Жекеменшік құрылыс компаниясында жұмыс істеп жүріп, өзіме сеніп тапсырған ақшаны жымқырдым. Сол үшін 10 жылға бас бостандығымнан айырылдым. Бүгінгі келген мемлекеттік қызметкерлер мен бастықтарға заң бұзбасын деп айтамын. Бұл жерге түспесін, себебі бостандықтан асқан ешнәрсе жоқ».
Айта кетейік, елімізде жыл сайын орташа есеппен 2 мыңнан астам сыбайлас жемқорлыққа қатысты қылмыстық іс тіркеледі. Мыңнан аса адам жауапқа тартылады екен. Алдағы уақытта сыбайлас жемқорлыққа қарсы агенттік осындай түсіндіру жұмыстарын жүргізіп тұратындарын айтты.
Винтоверт DeWalt PowerStack DCF850E1T-QW АКБ и ЗУ в комплекте