Тәжікстан мемлекеттік қарыздарды реттеу үшін векселдер шығарады
Тәжікстан мемлекеттік қарызды реттеу үшін 1 миллиард сомони (87,6 миллион доллар) көлемінде вексель түрінде бағалы қағаз шығарады.
5 мамырда өлкенің қаржы министрі Файзиддин Каххорзода тәжік парламентінің төменгі палатасына «Мемлекеттік бағалы қағаздарды шығару» туралы заң жобасын таныстырды. Оның сөзінше, векселдер жылдык 2 пайызбен 10 жылға дейінгі мерзімге шығарылады.
Парламенттің төменгі палатасы заң жобасын қолдады. Сәуірде тәжік үкіметі векселдерді шығару бойынша қаулы шығарған.
Онда векселдерді шығарудағы мақсат «мемлекеттік қарызды реттеу» екені жазылған. Бұл бағалы қағаздар Тәжікстанның ішкі нарығына сатуға қойылады.
Тәжікстанда 1990 жылдары мемлекеттік қызметкерлерге айлық векселдермен төленген кездер болған. Бірақ азаматтардың дені оны ақшаға айырбастай алмаған. 2009 жылы үкімет «ықтиярлы-мәжбүрлі» жолмен халықты Рогун ГЭС-нің акцияларын сатып алуға үгіттеген. Бірақ осыған дейін оны сатып алғандарға мемлекет дивиденттер төлеген емес.
Винтоверт DeWalt PowerStack DCF850E1T-QW АКБ и ЗУ в комплекте