Тәжікстанда әскерге шақыру науқаны мәжбүрлі түрде жүріп жатыр
Тәжікстанда 1 сәуірде әскерге шақыру науқаны басталды. Ол мамыр айының соңына дейін жалғасады.
Әлеуметтік желілерде жас жігіттерді әскерге күштеп әкетіп жатқан видеолар тарап жатыр. Бір видеода әскери формадағы екі адам бір жас жігітті мәжбүрлеп көлікке отырғызып жатыр. Жас жігіт қарсылық білдіріп, әскери қызметін өтегенін айтып жатыр. Видео әуежайда түсірілген секілді. Жас жігіттің қолында жол дорбасы бар.
«Адам еркіндігі кеңсесі» ұйымының жетекшісі Дилрабо Самадова әскерге өз еркінен тыс мәжбүрлеп әкету бойынша бірнеше шағым түскенін айтады. Әдетте ер азаматтарды әуежайдан «аулайтын» көрінеді. Шетелге жұмыс істеуге кетіп бара жатқан жас жігіттерді ұстап, бірден әскерге аттандырады екен.
Сол секілді жоғары оқу орындарында оқитын студенттер де шағымданған.
newstaraz.kz