Тәжікстанда «алтын» рақымшылық жарияланады

По итогам амнистии в 2019 году из тюрем освободили 7 тысяч человек.

Тәжікстан президенті Эмомали Рахмон парламенттің төменгі палатасына «Рақымшылық туралы» заң жобасын ұсынды.

Рақымшылық Тәжікстан тәуелсіздігінің 30 жылдығына орай жарияланады. Республикада тәуелсіздік күні 9 қыркүйекте тойланады.

Заң жобасына сәйкес, 16 мың адам рақымшылық алады: 10 700-і қылмыстық жауапкершіліктен босайды, 5300 адамның жаза мерзімі қысқарады.

Мәліметтерге қарағанда, рақымшылық беру кезінде әйелдерге, кәмелет жасқа толмағандарға, 55 жастан асқандарға, мүгедектерге, ауруы ауырларға, мемлекет сыйлығын алғандарға, соғысқа қатысқандарға, сонымен бірге шетел азаматтарына басымдық беріледі.

Еске салайық, Тәжікстанда 2019 жылы Конституцияның 25 жылдығына орай қабылданған рақымшылық туралы заңмен 7 мың адам түрмеден шыққан.

Ресми статистикаға сәйкес, Тәжікстанда 19 түрме бар. 2019 жылы рақымшылық туралы заң қабылданар алдын оларда 13 мың адам отырған.

Источник