Тәжікстанда банкирді ұрлағандарды анықтағандарға 30 мың доллар сыйақы тағайындалды
Тәжікстанның бас прокуратурасы «Ориёнбанк» төраға орынбасары Шухрат Исматуллоевтың ұрлануына байланысты қылмыстық іс қозғады.
ІІМ Исматуллоевты ұрлаған адамдарды анықтауға көмектескендерге 30 мың доллар сыйақы беретінін мәлімдеді.
Ресми мәлімет бойынша, банкирді 23 маусымда кешкісін Исмоили Сомони ауданында белгісіз біреулер ұрлап әкеткен. ІІМ таратқан мәліметке қарағанда, оны Hyundai Sonata көлігіне күшпен отырғызып, белгісіз жаққа алып кеткен. Күдіктілер көлікке жалған нөмір пайдаланған.
Озоди радиосының дереккөзіне қарағанда, банкирді ұрлау алдын ала ұйымдастырылған. Қара түсті Hyundai Sonata көлігі үйінің жанында сағат 15.00-тен бастап күтіп тұрған.
49 жастағы Шухрат Исматуллоев «Тәжік эйр» әуе компаниясының бұрынғы бас директоры Дилшод Исматуллозоданың туған бауыры, президент Эмомали Рахмонның күйеу баласы Хасан Асадуллозодаға ең жақын адамдардың бірі.
Винтоверт DeWalt PowerStack DCF850E1T-QW АКБ и ЗУ в комплекте